#Дьоһун бэлэх

Музейбытыгар дьоһун бэлэх киирдэ. XIX-XX үйэҕэ Хайахсыт I билиҥҥинэн Чурапчы Арыылааҕар олорбут Анна Ивановна, Дмитрий Михайлович Барашковтар дьиэ кэргэн тутта сылдьыбыт, саха маанылаах ыала малын-сыалын кэпсиир альбому оҕолоро, сиэннэрэ бэлэх ууннулар. 2020 сыллаахха Арыылаахха баар Барашковтар ампаардарын Хатылы нэһилиэгэр көһөрөн аҕалбыттар. Манна көрүөххэ сөп ат көнтөстөөх бас быатын, араас бэрэмэдэйдэри, туос иһиттэри, мас сундууктары о.д.а. Инникитин бу баай ампаар мала дьон көрүүтүгэр тахсарыгар үлэлэһиэх буоллубут. Бэрт кыһаллан харайыллыбыт маллары көрөн олус үөрдүбүт. Үйэлэртэн үйэлэргэ бэриллэн, өссө да уһун сылларга элбэҕи кэпсии, үөрэтэ турдун дьиэ кэргэн ытык мала.

Норуот сомоҕолоһуутун күнэ

•Норуот сомоҕолоһуутун күнэ – Россия биир саамай эдэр государственнай бырааһынньыгынан буолар. Ол эрэн, биһиги бу сэтинньи 4 күнүгэр бэлиэтиир түбэлтэбит буолбут кэмиттэн хас да үйэ ааста. Аан маҥнай 1649 сыллаахха ыраахтааҕы Алексей Михайлович алтынньы 22 күнүн (билиҥҥинэн сэтинньи 4 күнүн) бырааһынньык күнүнэн оҥорорго уураахтаабыт уонна Казанскай Таҥара Ийэтин иконатын күнүнэн биллэрбит. Бу икона 1612 сыллаахха нуучча норуотун сомоҕолоһуутун символынан буолбут. Ол туһунан кэпсээтэххэ, 16 үйэҕэ ыраахтааҕы Иван Грознай өлбүтүн кэннэ кини уола Федор I ыраахтааҕы престолугар олорбута уонна киниттэн оҕо хаалбатах. Итинэн өр сылларга салайбыт Рюриковичтар династиялара салайан бүппүтэ. Нуучча историятыгар аймал5ан (смута) кэмэ саҕаламмыта.
•Норуот Иван Грознай хайдах өлбүтэ биллибэт кыра уолун Дмитрийы бары өйдүүллэрэ, харыһыйаллара уонна баҕар тыыннааҕа буолуо диэн эрэнэллэрэ. Ону туһанан өлбүт уолунан кубулуммут «лжедмитрийдэр» баар буолуталаабыттара, маны тэҥэ боярдар (феодальнай кылаас үрдүкү баайдара) былаас былдьаспыттара. Аймалҕан кэмин туһанан Польша халабырдьыттара Россия тэбэр сүрэҕэр киирбиттэрэ. Уонна Москва Кириэмилин Станислав Жолкевскай салалталаах польскай-литовскай гарнизон икки сыл былдьаан олорбута. Кинилэр нуучча сирин ыраахтааҕытын католическай итэҕэллээх поляк хоруолун талар уонна Правительствоҕа бэйэлэрин дьоннорун олордор санаалаах этилэр. Нуучча норуота Москва эстэр буолла диэн ыксаан эрдэхтэринэ, патриарх Гермоген: “Сомоҕолоһуоххайыҥ!”, – диэн ыҥырыытын ылынан, староста Кузьма Минин уонна кинээс Дмитрий Пожарский салайааччылаах, Казанскай Таҥара Ийэтин иконатын туппутунан алтынньы 22 күнүгэр поляктары Москва куораттан үүрбүттэрэ. Мининнээх Пожарскай олус улахан аармыйаны кылгас кэм иһигэр хомуйбуттара. Манна араас араҥа дьон, бары омук сомоҕолоһон кыайыыны ситиспиттэрэ.
•Бу кэмҥэ Саха сирэ Россия састаабыгар киирэн эрэр кэмнэрэ этэ. Санатан эттэххэ, Саха сирэ Петр Бекетов Ленскэй острогун туруорбут сылыттан 1632 сыллаахтан Россия састаабыгар киирбитинэн ааҕабыт. Билигин кэпсээбит аймалҕан кэмин кэннэ Дойдуну чөлүгэр түһэриигэ күндү түүлээҕи бултааһын государственнай хааһына 20% толороро. Онтон сахалар дьаһаах быһыытынан күндү түүлээҕи биэрэллэрэ. Онон бу аймалҕан кэмин кэннэ Дойдуну чөлүгэр түһэриигэ саха норуота эмиэ кылааттаах.
•Бу бырааһынньыгы сэбиэскэй кэмҥэ Улуу Өктөөп революциятын суолталаан сэтинньи 7 күнүгэр парад тэрийэллэр этэ. Онтон бу күн Ил-эйэ күнэ диэн ааттанар буолбута. 2005 сылтан сэтинньи 4 күнэ – Норуот сомоҕолоһуутун күнэ диэн буолбута уонна албан ааттаах байыаннай кыайыыларга ананар ис хоһоонноммута.
•38 государство кыттыылаах Аан дойду бастакы сэриитигэр быһа холоон 1000-тан тахса саха кыттыбыта биллэр. Сэрии түмүгэр түөрт импиэрийэ суох буолбута: Россия, Австро-Венгрия, Осмаан уонна Германия импиэрийэлэрэ.
1917 сыллаахха Олунньутааҕы революция ыраахтааҕы былааһын суулларбыта, онтон Улуу Өктөөп революцията баайдар, буржуазия былааһын тохтоппута. 1922 сыл ахсынньы 30 күнүгэр Сэбиэскэй Социалистичскэй норуоттар холбоһуктаах государстволара (ССРС) Владимир Ильич Ленин салайааччылаах тэриллибитэ. Онтон Саха АССР 1922 сыл муус устар 27 күнүгэр тэриллибитэ.
•1941 сыллаахха Аан дойду иккис сэриитэ саҕаламмыта. Оччотооҕу Советскай государство бары норуоттара – Орто Азия, Закавказье, Украина, Белоруссия, Молдавия, Прибалтика дойдуларын норуоттара биир Кыһыл Армияҕа барыта 34млн476тыһ700 киһи кыттан, агрессор-фашистскай Германия сэриитин утары турунан 1945 сыллаахха Улуу Кыайыыны ситиспиттэрэ. Аҕа дойду сэриитигэр аҥардас Саха сириттэн 62091 киһи ыҥырыллыбыта. Москваттан Берлиҥҥэ, Волгаттан Эльбаҕа диэри советскай саллаат бойубуой суолун барбыттара. Москва, Сталинград, Курскай, Ытык Ильмен күөллээҕи о.д.а. кыргыһыыларга харса суох, олохторун харыстаабакка сэриилэспиттэрэ. 2300 буойун уордьанынан, мэтээлинэн наҕараадаламмыта, 24 буойун Советскай Союз Геройунан буолбуттара. Биһиги Чурапчыбытыттан 2170 киһи сэриигэ кыттыбыта, мэтээллээх -165, уордьаннаах-130.
•Онтон 1979-1989 сылларга Афганистаҥҥа уонна 90-с сылларга Чечняҕа буолбут байыаннай операцияларга быһа холоон Саха сириттэн 2000-тан тахса киһи кыттыбыта. Күн бүгүн аҥардас биһиги Чурапчыбытыгар 38 бойобуой дьайыы бэтэрээнэ олорор.
•Билиҥҥи Украинаҕа буола турар байыаннай операцияҕа саха хоһуун уолаттара Ийэ дойдуларын көмүскүү сылдьаллар.
Оччоттон баччаҕа диэри саха норуота киэҥ Россия иэнигэр олорор 195 араас омугу кытары, биир санаанан түмсэн, Дойдубут туһугар эйэлээх, сайдыылаах олоҕу тутарга инники соруктары туруоран Ийэ дойдуларын көмүскүүллэр.

#Дьоһунбэлэх

Саха биир талааннаах уолугар Прокопий Алексеевич Екечьямовка төрүт үгэстэри тилиннэрэ, сайыннара сылдьарын иһин махтанан туран А.А.Саввин аатынан Чурапчытааҕы история уонна этнография мусуойун аатыттын “Гончарное ремесло у якутов” кинигэни бастакынан бэлэх ууннубут

А.С.Бочкарева-Иннокентьева – Сууралдьыма көһөрүллүү тиэмэтигэр уруһуйдара

Россия худуоһунньуктарын чилиэнэ, Саха сирин искусствотын үтүөлээх деятелэ Александра Самсоновна Бочкарева-Иннокентьева – Сууралдьыма биһиги киэн туттар биир дойдулаахпыт буолар.

🟠 Сууралдьыма живопись бары жанрдарын баһылаабыт худуоһунньук. Худуоһунньук хас биирдии үлэтин оҥороругар элбэҕи үөрэтэн, хасыһан баран суруйар. Онон кини үлэлэрэ история чахчыларын, культураны кэпсиир дириҥ ис хоһоонноохтор. Төһө да Чурапчы алдьархайын өрөспүүбүлүкэ үрдүнэн 1991 сыллаахха биирдэ сыыһа дьаһалынан билиммиттэрин иһин, кэнники сылларга көһөрүллүү историятын үйэтитии сыллата бара турар. Ол үтүө соругу ылынан, көһөрүллүү кыттыылаахтарыттан ахтыы ылан, экспедицияларга сылдьыһан туран уруһуйдаабыт көһөрүллүүнү кэпсиир хартыыналардаах.

🟠Олортон икки хартыыната биһиги музейдарбытыгар баар: А.А.Саввин аатынан Чурапчытааҕы история уонна этнография музейыгар уонна Хатылытааҕы көһөрүллүү музейыгар күннэтэ историяны кэпсии, көрдөрө тураллар.

Дмитрий Павлович Чечебутов удостоен звания народного учителя Якутии

Сегодня, в этот праздничный день, высокого звания “Народный учитель Якутии” удостоен Дмитрий Павлович Чечебутов.

Дмитрий Павлович – ветеран педагогического труда, заслуженный учитель РСФСР, Почетный гражданин Чурапчинского улуса. Он всю свою жизнь посвятил сфере образования и воспитания детей, провёл большую работу по увековечиванию памяти переселенцев Чурапчинского улуса в годы Великой Отечественной войны. В этом году Дмитрию Павловичу исполнилось 85 лет. Несмотря на почтенный возраст, он продолжает помогать молодым педагогам.

От всей души поздравляю Дмитрия Павловича с присвоением почетного звания! Желаю крепкого здоровья, неиссякаемой бодрости и долгих лет жизни!

t.me/aisen_nikolaev

#Дьоһунбэлэх

Балаҕан ыйын 30 күнүгэр Кытаанах нэһилиэгин баһылыга Потапов Егор Николаевич “Сут-кураан, уот сэрии, көһөрүү… Кытаанах, Танда-Бахсы нэһилиэктэрэ 1941-1945 сс.” кинигэни түмэлбит библиотекатыгар бэлэх уунна.

Кинигэҕэ Чурапчы оройуонун Кытаанах уонна Танда-Бахсы нэһилиэктэрин Аҕа дойду Улуу сэриитин сылларыгар тыылга кыайыыны уһансыбыт тыыл ветераннарын, хоту улуустарга күүс өттүнэн көһөрүү кыттыылаахтарын ахтыылара, бэчээккэ тахсыбыт уонна архыып матырыйаалларыттан булуллубут чахчылар киирбиттэр.

“Умнуллубат чахчылар, үйэлээх өйдөбүллэр” өрөспүүбүлүкэтээҕи форум

Балаҕан ыйын 20 күнүгэр С.К.Макаров аатынан Чурапчытааҕы гимназияҕа Аҕа дойду Улуу сэриитин кэмигэр Чурапчы улууһун 41 холкуоһа хоту фроҥҥа балыктыы диэн күүс өттүнэн көһөрүллүбүттэрэ 80 сылыгар аналлаах “Умнуллубат чахчылар, үйэлээх өйдөбүллэр” өрөспүүбүлүкэтээҕи форум буолан ааста.

Форум үөрүүлээх аһыллыытыгар улуус баһылыга С.А.Саргыдаев, Ил Түмэн дьокутаата М.Д.Гуляев, көһөрүллүү историятын үйэтитээччи А.С.Иустинова ситиһиини баҕаран тыл эттилэр. Форум кэмигэр көһөрүллүүнү  толору сырдатар  кинигэ быыстапката, “Кэм-кэрдии кээрэппэтин, кэрэ ааккыт кэриэс буоллун” альбом-кинигэ cүрэхтэниитэ буолла.

Уопсайа барыта 5 улуустан: Чурапчы, Кэбээйи, Булуҥ, Эдьигээн, Таатта уонна  Дьокуускай куораттан 128 киһи кыттыыны ылла. Көһөрүллүү чахчыларын үйэтитэр, чинчийэр уонна сырдатар сыаллаах форум биэс сиэксийэҕэ арахсан үлэлээтэ:

  1. Чурапчы холкуостарын көһөрүү историческай чахчылара

Экспиэртэр:

  • Пономарев Иван Терентьевич – С.К.Макаров аатынан Чурапчытааҕы гимназия историяҕа учуутала
  • Прокопьев Владимир Николаевич – Д.П.Коркин аатынан Чурапчытааҕы республиканскай спортивнай интернат-оскуола историяҕа учуутала
  • Попов Степан Дмитриевич – С.К.Макаров аатынан Чурапчытааҕы гимназия историяҕа учуутала
  1. Чурапчы оройуонун хоту оройуоннарга күүс өттүнэн көһөрүү социальнай-экономическэй сайдыыга уонна демографияҕа сабыдыала

Экспиэртэр:

  • Кронникова Мария Филипповна – Чурапчы улууһун баһылыгын социальнай боппуруостарга солбуйааччы
  • Попов Дмитрий Дмитриевич – Чурапчы улууһун культуратын салалтатын начальнига
  • Филиппова Мария Егоровна – ветеран-учуутал, кыраайы үөрэтээччи
  1. Көһөрүллүү кыттыылаахтарын ыар дьылҕалара

Экспиэртэр:

  • Егоров Захар Егорович – Н.Д.Субуруускай аатынан Болтоҥо орто оскуолатын түмэлин салайааччыта, кыраайы үөрэтээччи
  • Чечебутова Кыдаана Дмитриевна – улуустааҕы педагогическай “Албан аат” түмэлин үлэһитэ
  • Окорокова Екатерина Иннокентьевна – улуустааҕы педагогическай “Албан аат” түмэлин үлэһитэ
  1. Көһөрүллүү кыттыылаахтарын үлэҕэ хорсун быһыылара

Экспиэртэр:

  • Толстоухов Юрий Семенович – А.А.Саввин аатынан Чурапчытааҕы история уонна этнография түмэлин дириэктэрэ
  • Попова Варвара Дмитриевна – Е.А.Борисов архив-библиотекатын салайааччыта, кыраайы үөрэтээччи
  • Пинигина Айылгы Муосчут кыыһа – “Ай” норуот талааннарын түмэр студия үлэһитэ
  1. История чахчытын үйэтитии

Экспиэртэр:

  • Захаров Афанасий Афанасьевич – Чурапчы улууһун депутаттарын Сэбиэтин. “Үйэтитии” хамыыһыйатын бэрэссэдээтэлэ
  • Соловьева Ирина Саввична – С.К.Макаров аатынан Чурапчытааҕы гимназия научно-методическай үлэҕэ директоры солбуйааччы, педагогика наукатын хандьыдаата
  • Егасова Дария Пантелеймоновна – Чурапчытааҕы библиотечнай ситим методиһа

Түмүккэ бөлөх экспиэртэрэ тахсаннар үлэлэри ырытан, уратыларын бэлиэтээн кыайыылаахтары таһаардылар:

 

  1. Чурапчы холкуостарын көһөрүү историческай чахчылара

Лауреат – Иванова Айнура, С.К.Макаров аатынан Чурапчытааҕы гимназия үөрэнээччитэ, тиэмэтэ “Оонньооботох оҕо саас”;

I истиэпэннээх дьупулуом – Корякина Л.Л., Эдьигээн орто оскуолатын дириэктэрэ, тиэмэтэ “Шемяков Н.В. – славный сын Севера”;

II истиэпэннээх дьупулуом – Попова М.Н., С.А.Новгородов аатынан Чурапчы орто оскуолатын учуутала, тиэмэтэ “Куокуй оскуолатыгар үөрэммит Чурапчы оҕолоро”;

II истиэпэннээх дьупулуом – Сивцев Дьулуур, Смирникова Женя, Д.Д.Красильников аатынан Мугудай орто оскуолатын үөрэнээччилэрэ, тиэмэлэрэ “Умнуллубат ыар чахчылар”;

III истиэпэннээх дьупулуом – Ноговицын Сеня, С.К.Макаров аатынан Чурапчытааҕы гимназия үөрэнээччитэ, тиэмэтэ “Көһөрүллүү аанньаллара”;

III истиэпэннээх дьупулуом – Посельская Айгыына, И.Е.Федосеев-Доосо аатынан Дириҥ орто оскуолатын үөрэнээччитэ, тиэмэтэ “ Олох – эйигин таптыыбын”;

III истиэпэннээх дьупулуом – Слепцова Ангелина, С.К.Макаров аатынан Чурапчытааҕы гимназия үөрэнээччитэ.

 

  1. Чурапчы оройуонун хоту оройуоннарга күүс өттүнэн көһөрүү социальнай-экономическэй сайдыыга уонна демографияҕа сабыдыала

Лауреат – Трифонов Егор, Максимов Ариан, Н.Д.Субуруускай аатынан Болтоҥо орто оскуолатын үөрэнээччилэрэ, тиэмэлэрэ “Диалог культур”;

I истиэпэннээх дьупулуом – Дьячковский Айтал, С.Д.Флегонтов аатынан Хадаар орто оскуолатын үөрэнээччитэ, тиэмэтэ “Коммеморативные практики ВОВ в с.Юрюнг-Кюель”;

II истиэпэннээх дьупулуом – Оконешникова Милана, Н.Д.Субуруускай аатынан Болтоҥо орто оскуолатын үөрэнээччитэ, тиэмэтэ “Жить и помнить”;

II истиэпэннээх дьупулуом – Попов Петя, Д.П.Коркин аатынан Чурапчытааҕы республиканскай спортивнай интернат-оскуола үөрэнээччитэ, тиэмэтэ “Кунайаан алааска көһөрүллүү өйдөбүнньүгэ”;

III истиэпэннээх дьупулуом – Пинигина Амелия, Дьячковский Кирилл, С.А.Новгородов аатынан Чурапчы орто оскуолатын үөрэнээччилэрэ, тиэмэлэрэ “Көһөрүллүү кыттыылаахтара билигин хайдах олороллоруй?”;

III истиэпэннээх дьупулуом – Гоголев Илдьар, Д.Г.Барашков аатынан Бахсы орто оскуолатын үөрэнээччитэ, тиэмэтэ “История переселения в работах И.И.Попова-Бахсылыырова”.

 

  1. Көһөрүллүү кыттыылаахтарын ыар дьылҕалара

Лауреат – Старкова В.Н., Хатастааҕы “Кэрэчээнэ” уһуйаан эбии үөрэхтээһин педагога, тиэмэтэ “Көһөрүү кэмигэр оҕо дьылҕата”;

I истиэпэннээх дьупулуом – Данилова Айта, Д.Д.Красильников аатынан Мугудай орто оскуолатын үөрэнээччитэ, тиэмэтэ “Ким да умнуллубат, туох да умнуллубат”;

II истиэпэннээх дьупулуом – Лонгинова Милена, С.А.Новгородов аатынан Чурапчы орто оскуолатын үөрэнээччитэ, тиэмэтэ “Ааспыт тыйыс дьыллар тымныы тыыннара”;

II истиэпэннээх дьупулуом – Яковлева А.Н., А.П.Илларионов аатынан Хайахсыт орто оскуолатын учуутала, тиэмэтэ “Путь на Лаптевое море”;

III истиэпэннээх дьупулуом – Барашкова Саина, В.С.Яковлев-Далан аатынан Кытаанах орто оскуолатын үөрэнээччитэ, тиэмэтэ “Утум салҕанар”;

III истиэпэннээх дьупулуом – Лукина Анита, Д.П.Коркин аатынан Чурапчытааҕы республиканскай спортивнай интернат-оскуола үөрэнээччитэ, тиэмэтэ “Көһөрүү кэмигэр оҕо дьылҕата”;

III истиэпэннээх дьупулуом – Новгородов Ариан, Монастырев Юра, Н.Д.Субуруускай аатынан Болтоҥо орто оскуолатын үөрэнээччилэрэ, тиэмэлэрэ “Биһиги дьиэ кэргэммитигэр көһөрүллүү иэдээнэ”.

4. Көһөрүллүү кыттыылаахтарын үлэҕэ хорсун быһыылара

Лауреат – Васильева М.Д., Төлөй орто оскуолата, тиэмэтэ “Чурапчыны ааттаппыт Нам туруу үлэһит дьоно”;

I истиэпэннээх дьупулуом – Ким Кира, С.К.Макаров аатынан Чурапчытааҕы гимназия үөрэнээччитэ, тиэмэтэ “Воспоминания, рассказы, стихи моего прадеда – участника насильственного переселния”;

II истиэпэннээх дьупулуом – Старкова В.Н., Хатастааҕы “Кэрэчээнэ” уһуйаан эбии үөрэхтээһин педагога, тиэмэтэ “Көһөрүү оҕолорун дьылҕаларын үйэтитии”;

II истиэпэннээх дьупулуом – Пермяков Женя, С.К.Макаров аатынан Чурапчытааҕы гимназия үөрэнээччитэ, тиэмэтэ “Мин эһэм – Тарасов Николай Петрович”;

III истиэпэннээх дьупулуом – Ноев Алеша, Н.Д.Субуруускай аатынан Болтоҥо орто оскуолатын үөрэнээччитэ, тиэмэтэ “Бессмертны ваши имена”;

III истиэпэннээх дьупулуом – Сотникова Надя, С.К.Макаров аатынан Чурапчытааҕы гимназия үөрэнээччитэ, тиэмэтэ “Из рассказов бабушки”;

III истиэпэннээх дьупулуом – Попов Ваня, С.К.Макаров аатынан Чурапчытааҕы гимназия үөрэнээччитэ, тиэмэтэ “Хочуон” диэн тыл кистэлэҥэ”.

5. История чахчытын үйэтитии

Лауреат – Борисова Н.С., А.П.Илларионов аатынан Хайахсыт орто оскуолатын учуутала, тиэмэтэ “Көһөрүллүү иэдээнин айымньы быһыытынан оҕолорго тиэрдии”;

I истиэпэннээх дьупулуом – Новикова К.Е., И.Н.Левин аатынан Танара орто оскуолатын учуутала, тиэмэтэ “Умнуллубатын, хатыламмытын”;

II истиэпэннээх дьупулуом – Пермяков Е.Е., “Мичил” уһуйаан, тиэмэтэ “Уһуйаан оҕолоругар Чурапчы хоту көһөрүллүүтүн туһунан өйдөбүлү тиэрдии”;

II истиэпэннээх дьупулуом – Петрова Р.Н., Эдьигээн орто оскуолата, тиэмэтэ “Сохранение исторической памяти Чурапчинский переселенцев как основа гражданско-патриотического воспитания подрастающего поколения”;

III истиэпэннээх дьупулуом – Попова Е.Е., Говорова А.С., Төлөй орто оскуолатын учууталлара, тиэмэлэрэ “Көһөрүү уонна IT-технология”;

III истиэпэннээх дьупулуом – Федорова Ксения, С.К.Макаров аатынан Чурапчытааҕы гимназия үөрэнээччитэ, тиэмэтэ “Чурапчинская трагедия (игра-лото и электронная книга)”;

III истиэпэннээх дьупулуом – Софронова Айаана, С.С.Яковлев-Эрилик Эристиин аатынан Чакыр орто оскуолатын үөрэнээччитэ, тиэмэтэ “Уот кыымнаах, өтөх төҥүргэстээх”.

Форум түмүгүнэн “Умнуллубат чахчылар, үйэлээх өйдөбүллэр” электроннай хомуруунньук киэҥ эйгэҕэ тахсыа. Бары кыттыыны ылбыттарга дириҥ махталбытын тиэрдэбит, көһөрүллүү алдьархайын эттэринэн-хааннарынан билбит дьоммут сырдык ааттарын үйэтитии, кэлэр көлүөнэҕэ тиэрдии биһиги ытык иэспит буолар.

Үтүө санаа үрдүккэ сирдиирэ

Балаҕан ыйын 19 күнэ –Аҕа дойду Улуу сэриитин кэмигэр Хоту оройуоннарга балык булдугар күүс өттүнэн көһөрүүгэ баран өлбүт Чурапчы дьонун кэриэстиир күн. Бу күн А.А.Саввин аатынан Чурапчытааҕы история уонна этнография музейыгар бэрт дьоһун быыстапка арылынна. «Үтүө санаа үрдүккэ сирдиирэ» диэн Сэбиэскэй партийнай салайааччы, СӨ норуотун хаһаайыстыбатын үтүөлээх үлэһитэ, СӨ тыатын хаһаайыстыбатын, судаарыстыбаннай сулууспатын, телевидение уонна радио туйгуннара, Чурапчы уонна Булуҥ улуустарын, Мэҥэ Хаҥалас улууһун Доллу нэһилиэгин Бочуоттаах олохтооҕо Агафия Семеновна Птицына олоҕун кэпсиир быыстапка үгүс киһини түмтэ.

Быыстапкаҕа Агафия Семеновна тус бэйэтэ тутта сылдьыбыт маллара, наҕараадалара уонна кинигэлэрэ, араас докумуоннара, рукописьтара турдулар. Бу тэрээһини көҕүлээччинэн кини бииргэ төрөөбүттэрэ буолаллар. Быыстапка аһыллыытыгар бииргэ төрөөбүттэрэ: Птицына Татьяна Семеновна – партийнай, государственнай сулууспа бэтэрээнэ, сурдьа Птицын Петр Семенович – саппааска олорор милииссийэ подполковнига, Ис дьыала министерствотын бэтэрээнэ кэргэнинээн Лена Прокопьевналыын – налоговай сулууспа бэтэрээнэ, СӨ үтүөлээх экономиһа, балта Константинова Екатерина Семеновна – СӨ тыатын хаһаайыстыбатын туйгуна, оскуолаҕа бииргэ үөрэммит доҕоро Слепцов Дмитрий Дмитриевич – Мэҥэ Хаҥалас улууһун Доллу нэһилиэгин Бочуоттаах олохтооҕо кыттыыны ыллылар. Ону тэҥэ Чурапчы улууһун депутаттарын Сэбиэтин председателэ Захаров Афанасий Афанасьевич, СӨ Ил Түмэн государственнай Мунньаҕын депутата Пинигин Павел Павлович, Чурапчы нэһилиэгин баһылыга Сивцев Владимир Дмитриевич, өр сылларга бииргэ үлэлээбит коллегата, Хайахсыт нэһилиэгин баһылыга Тарасов Тарас Лукич, улуус ветераннара, Хоту көһөрүллүү кыттыылаахтара кыттыыны ыллылар.

Агафия Семеновна 1984 сылтан 1991 сылга диэри ССКП Чурапчытааҕы райкомун секретарынан үлэлээбитэ, «Чурапчы алдьархайынан” ааттаммыт Хоту көһөрүллүү сабыылаах дьыалатын арыйааччы уонна үйэтитээччи дьонтон биирдэстэрэ буолар. Оччолорго кини үлэлиир сылларыгар олох укулаата уларыйар, араас уустуктардаах кэмнэр этилэр. Бу кэмҥэ өр сылларга санаа аалыыта буола сылдьыбыт, ыар сүтүктээх Хоту көһөрүллүү дьыалата сабыылаах этэ. Ол туһунан кэпсэтэр да табыллыбат этэ. Бу ыарахан уонна уустук боппуруоһу сүрүннээһиҥҥэ уонна үлэни сөптөөх хайысханан ыытарга ылсыбыт, хорсун уонна үтүө санаатынан үрдүгү ситиспит Агафия Семеновна Птицына буолар. Ол түмүгэр 213 №дээх 1942 сыл атырдьах ыйын 11 күнүнээҕи Обком бюрота таһаарбыт Чурапчы оройуонун 41 колхоһун Кэбээйи, Эдьигээн, Булун оройуоннарыгар көһөрөр туһунан уодаһыннаах уураах 1991 сыл тохсунньу ый 29 күнүгэр көтүллэрин ситиһиллибитэ.

Мантан салҕыы Агафия Семеновна өссө да үгүс үлэни үйэтитиигэ ыыппыта. Чурапчыны кытары сибээһин быспакка ханнык баҕарар көрсүһүүлэргэ, үөрүү, кутурҕан да күннэригэр өрүү бииргэ буолара, сүбэлиирэ-амалыыра. Саха сирин тыйыс тымныытыгар сэрии кэмигэр үүрүллэн кэлэн, Чурапчы көһөрүллүүлээхтэрин кытары балыктааһыҥҥа сылдьыбыт литовецтары уонна кинилэр сыдьааннарын кытары сибээһи олохтообута. Ити курдук, олохторун биир саамай ыарахан кэмнэригэр, бэйэ-бэйэлэригэр өйөбүл буолбут табаарыстары булуһуннарбыта, эдэр көлүөнэ ыччат умнубаттарыгар, билсэ туралларыгар олук уурбута.

Быыстапка аһыллыытыгар Агафия Семеновна тус бэйэтэ тутта сылдьыбыт малларыттан Хатылытааҕы Көһөрүллүү музейыгар бэлэхтиирин туһунан балта Татьяна Семеновна эттэ. Тэрээһиҥҥэ кэлбит дьон кини туһунан истиҥ иһирэх ахтыылары оҥордулар, Чурапчы дьоно-сэргэтэ бу улахан салайааччыга, кэрэ киһиэхэ махтаналларын, киниэхэ сүгүрүйэллэрин туһунан долгуйан туран эттилэр.

Агафия Семеновна «Чурапчы алдьархайа» диэн бэйэтэ салайан таһааттарбыт көһөрүллүү туһунан бастакы кинигэтин аан тылыгар суруйбут ахтыытынан видео

Чурапчы улууһун колхозтаахтарын 1942-44 сылларга Хоту көһөрүүнү 1991 сыллаахха диэри сыыһа дьаһалынан күүс өттүнэн көһөрбүттэрэ диир табыллыбат этэ. Бу ыарахан уонна уустук боппуруоһу сүрүннээһиҥҥэ уонна үлэни сөптөөх хайысханан ыытарга ылсыбыт, хорсун уонна үтүө санаатынан үрдүгү ситиспит ССКП Чурапчытааҕы райкомун секретарынан 1984 сылтан 1911 сылга диэри таһаарылаахтык үлэлээбит Агафия Семеновна Птицына буолар. Ол курдук, кырдьыгы таһаарарга уонна үйэтитиигэ кимнээх, хайдах үлэлээбиттэрин туһунан Агафия Семеновна «Чурапчы алдьархайа» диэн бэйэтэ салайан таһааттарбыт көһөрүллүү туһунан бастакы кинигэтин аан тылыгар суруйбут ахтыытынан видео.

#Дьоһунбэлэх

Төһө да Чурапчы алдьархайын өрөспүүбүлүкэ үрдүнэн 1991 сыллаахха биирдэ сыыһа дьаһалынан, күүс өттүнэн көһөрүүнэн билиммиттэрин иһин, кэнники сылларга көһөрүллүү историятын үйэтитии сыллата бара турар. Ол үтүө соругу ылынан, сылаас илиитинэн, сырдык сүрэҕинэн үйэтитиигэ кыттыспыт норуот маастара Григорьева-Баишева Татьяна Никитична быысапка курдук сыралаах технологиянан оҥорбут “Кутурҕан” диэн хартыынатын Көһөрүллүү 80 сылыгар дьоһун бэлэх оҥордулар Баишевтар дьиэ кэргэн.
Инникитин даҕаны үйэтитии курдук сырдык дьыалаҕа кыттыһан, дьон-сэргэ туһугар сырдык санааҕытынан холобур буола туруҥ.

Баҕарабыт Эһиэхэ өрүү сөҕүрээбэт эрчими, саха тиит маһыныы чиргэл доруобуйаны, ыра санааҕытынан кынаттанан дьоллоох-соргулаах олохтоноргутугар!

Официальный сайт "Чурапчинского музея и истории этнографии им.А.А.Саввина"