1940 сыллаахха А.Н.Островскай аатынан театральнай институтка 34 саха оҕото үөрэнэр баҕалаах киирбиттэрэ. Бу оҕолор иэдээннээх блокада кыттыылаахтара буолбуттара.

А.А.Саввин аатынан Чурапчытааҕы история уонна этнография музейа төрүттэниитин историятыттан сырдаттахха, 1930-с сыллартан саҕаланар. Дед Курашов аатынан ШКМ оскуолатын оҕолоро уонна коллектива маҥнайгы былыргы малы түмүү үлэтин саҕалаабыттар.
Н.Д.Кривошапкин – Уот Субуруускай 1932 сыллахха, Саха Автономията төрүттэммитэ 10 сылыгар анаан альбом таһааттарбыта. Бу альбом түөрт сирэйигэр ШКМ иһинэн тэриллибит музей экспонаттарын көрдөрөр хаартыскалар бааллар. Манна көстөр экспонаттартан кымыска туттуллар иһиттэр, ат тэриллэрэ биһиги музейбытыгар билигин бааллар, дьоһун миэстэни ылаллар.
1946-1948 сылларга В.С.Соловьев-Болот Боотур – фронтовик-учуутал, норуодунай суруйааччы Амма өрүс сүнньүнэн, былыргы аҕа уустара ордук түөлбэлээн олорбут сирдэринэн походтары тэрийэн оскуола музейын эбии хаҥаппыттара: булт уонна күннээҕи олоххо туттуллар тэриллэри, дьахтар дьабака бэргэһэтин, тииҥ кутуругуттан моойтуругу, былыргы кыыллар уҥуохтарын булаттаабыттара. Уосайа 445 экспонаттаах: 185 сүрүн фондаҕа уонна 260 көмө матырыйаал быһыытынан оскуола иһинэн музей-хоһо диэн баар буолбута. Бу музей-хос көхтөөхтүк үлэлээн, нэһилиэнньэ сэҥээриитин ылары ситиһэн, 1948 сыллаахха общественность уонна партия райкома туруорсаннар, кулун тутар ый 11 күнүгэр Чурапчы музейын тэрийэр туһунан райсовет исполкомун анал уурааҕа тахсыбыта. Маҥнайгы директорынан биллиилээх фольклориһы, этнограбы Андрей Андреевич Саввины анаабыттара. Ити курдук, оскуола оҕолоро, учууталлара саҕалаабыт үтүө дьыалалара музейбыт тэриллиитигэр олук буолбута.

🟠🟠🟠🟠🟠🟠🟠🟠🟠🟠🟠🟠
Хатылытааҕы филиалбытыгар фонда харайааччынан Иосиф Иосифович Слепцов үлэлии киирбитэ. Номнуо “КАМИС” программаны баһылаан үлэтин саҕалаата.

🟠🟠🟠🟠🟠🟠🟠🟠🟠🟠🟠🟠
Сэтинньи ыйга Саха Республикатын культуратын туйгуна, Российскай Федерация суруналыыстарын союһун, Российскай Федерация худуоһунньуктарын айар союзтарын чилиэнэ, Чурапчы нэһилиэгин Бочуоттаах олохтооҕо, культура уонна спорт ветерана, Өндөрүүскэ Саабын аатынан музейга өр сылларга таһаарыылаахтык үлэлээбит киһибит, убаастыыр коллегабыт Григорий Григорьевич Турантаев бочуоттаах сынньалаҥҥа таҕыста.

Кини директорынан үлэлиир сылларыгар туруулаахтык туруорсан, сүүрэн-көтөн бүгүҥҥү күҥҥэ үлэлии-хамныы олорор музейбытын үлэҕэ киллэрбитэ, кэнники сылларга экспозиция, быыстапка туруорааччынан үлэлээбитэ. Кэккэ сылларга улууспут историятын, биллиилээх дьоннорун, умнуллубат түгэннэрин үйэтитиигэ үтүмэн үгүс үлэни ыытта.

Үөрүүлээх быһыыга-майгыга, бэйэтин үтүө санаатын этэн туран, саҥа үлэһиккэ, илиитигэр талааннаах Илья Ильич Лазаревка музей күлүүһүн туттарда.

🔹Педагогтар олоҥхону остуоруйа көмөтүнэн оҕоҕо тиэрдии туһунан кэпсээтилэр. Маны сэргэ оҕону сайыннарар тус ньымаларын көрдөрдүлэр.

Сиһилии: https://санаолох.рф/article/81185

🟠🟠🟠🟠🟠🟠🟠🟠🟠🟠🟠🟠
Муниципальнай мусуойдары техническэй өттүнэн хааччыйыыга регион бюджетыттан субсидияны ылыыга күрэх биллэриллибитэ. А.А. Саввин аатынан Чурапчытааҕы история уонна этнография музейа кыттан, 10 музей иһигэр киирэн, үп ылары ситиспитэ. Ол үптэн ылыллыбыт LED экраны туруоруу түгэннэриттэн

🟠🟠🟠🟠🟠🟠🟠🟠🟠🟠🟠🟠
А.П.Гоголев аатынан оҕо искусствотын оскуолатын прикладной кылааһын преподавателэ Прокопий Екечьямов уонна норуот уус-уран оҥоһуктарын маастара, саха туой иһитин сөргүтээччи Ульяна Матвеева туой оҥоһуктарга ыыппыт маастар-кылаастарын түгэннэрэ