Бэс ыйын 20-21 күннэригэр Үөһээ Бүлүүгэ XV үбүлүөйдээх Олоҥхо ыһыаҕа буолан ааста. Икки күн устата барбыт күрэстэр саха төрүт култуурата, ийэ тылбыт, үгэстэрбит сүппэттэрин, үйэлэри уҥуордаан, үүнэр көлүөнэлэргэ бэриллэ туралларыгар туһуланан ыытылыннылар. Бу дьоһун тэрээһиҥҥэ республика араас муннугуттан тыһыынчанан киһи тоҕуоруста. Биһиги музейбытыттан Толстоухов Ю.С. бөлөҕүнэн олоҥхо толоруутугар кыттан “Сэһэн сүнньүн тутааччылар” анал ааты ыллылар. Онтон Никонова С.Р. «ЮНЕСКО шедеврдарын көрсүһүүтэ» IV Норуоттар икки ардыларынааҕы бэстибээл кыттыылаахтарын гид быһыытынан арыаллаата.