Норуот историятын, төрүт өйүн-санаатын чинчийэргэ кини сүүһүнэн үйэлэр тухары олорбут олоҕун-дьаһаҕын уратытын – сирин-дойдутун, дьиэтин-уотун, аһыыр аһын, таҥнар таҥаһын, күннээҕи буолар олоххо кини майгытын-сигилитин, тылын-өһүн бука барытын сиһилии чинчийэн үөрэтэн биллэҕинэ эрэ сөптөөх түмүк кэлэрин билэбит. Уонна оннук сиһилии саха олоҕун майгытын сиэрин бары өттүнэн киэҥник хомуйбут киһинэн Андрей Андреевич Саввин буолар.

Биллиилээх кыраайы үөрэтээччи, саха фольклорун хомуйааччы, этнограф А.А.Саввин – Өндөрүүскэ Саабын төрөөбүтэ 125 сылыгар аналлаах быһа биэриини @sanaoloh инстаграм страницатыгар сэтинньи 11 күнүгэр 15:00 ч. көрөргүтүн ыҥырабыт! #аасаввин #өндөрүүскэсаабын