1921 сыл муус устар 7-17 күннэригэр 10 улуус дьадаҥыларын иккис съеһэ

1921 сыл муус устар 7-17 күннэригэр 10 улуус дьадаҥыларын иккис съеһэ тэриллэр 300-кэ ревком чилиэннэрэ, көннөрү да талыллан кэлбит дьон мунньахтара буолбута. Бэрт элбэх араас уонча боппуруос көрүллүбүтэ. Бу конференцияттан революция сирдьитигэр Лениҥҥэ телеграмма ыыппыттара, онуоха эппиэт Ленинтэн дириҥ ис хоһоонноох эппиэт телеграмма кэлэн бэрт улахан  үөрүү “Ураа!” хаһыы ньиргийбитэ. Дьон улахан өрө күүрэн үөрэн-көтөн телеграмма ис хоһоонун манна истэн долгуйбуттара. Уонна депутаттар чугастааҕы нэһилиэктэргэ тахсан улахан үөрүүлээх митиннэри мунньахтары ыытан кэлбиттэрэ. Оччотооҕу дьон өйө-санаата уһуктарыгар, үлэһит былааһыгар бэриниилээх буоларыгар үтүө сабыдыалламмыта, ол курдук манна сылдьыбыт дьон элбэх эрдээх хорсун быһыылары, норуокка сулуспаалааһын бэриниилээҕин көрдөрбүттэрэ.